سامحنى يارب محتار فيك

By
moheb magdy

سامحنى يارب محتار فيك مابقتش عارف يارب انت عايز اية ولا بقيت عارف انا صح ولا انا غلط انا مزودها ولا انا كدة طبيعى انى حاسس بحال الكنيسة وحزنها ولا انا غلط انى شايف اللى حواليا عايشيين عادى وضاربين بكل الامور عرض الحائط ---- طب انت يارب عايز توبة وعايز الناس ترجع اليك ذى زمان وبعت قرصة الودن دى وبتاعة نجع حمادى علشان الناس ترجع يارب هل انت شايف ان فينا ايوب اللى هايستحمل معاك 7 سنين شايف يارب فينا دة ----- ماكنش فى احسن من يوم ليلة العيد الناس كلها مقدمة توبة بجد من قلبها بجد قوية وطاهرة بجد وما اختارتش حد طب لية يارب مافيش احسن من كدة وقت ليهم مش انت اللى عايز الكل يخلصون يارب تقصد نستمر فى التوبة بالشكل دة هانقدر يارب هاتسندنا يارب هانعملها يارب ولا هانرجع نسيبك تانى وترجع تضربنا تانى لو هاتعملنا ذى شعبك اللى كان فى البرية مع موسى اللى كل ماكان يتذمر تضربة مرة بالوباء ومرة بالذبايح الكتير ...... مش عارف يارب هايفضل منا قد اية عقبال مانعجبك يارب للمنتهى انت ادرى يارب انت ادرى

بينلى سبلك وعرفنى طرقك يارب ولا تجعلنى اتحير فيك يارب حتى لا اكون عثرة لغيرى ولا اكون عثرة لنفسى انا على الاقل نفسى اللى انت من اجلها اتجسدت واتحملت الاضطهاد من اول يوم وللمنتهى حتى الصليب يارب

اسمع لشعبك يارب واتحنن ولا ترفضنا يارب