نـكـت جـديـدة جـدا جدا جدا
- فلاحة اول مرة تروح للكوافير بيسالها سشوار ولا صبغة قالتله لا فلينى
- مذيعة بتسال صعيدى احمد زويل اخد جايزة نوبل فى ايه قالها فى علبة قطيفة حمرا
- صعيدى حران ومعندوش تكييف ولا مروحة اخذ لبوس خافض الحرارة
- عجوزة سمعت ان الدش حرام قالت الحمدلله انا طول عمرى بستحمى من الجردل
- مرة واحد صعيدى قابل واحدة اجنبية سالها انت منين قالتله:وااات ?قالها اجدع ناس الوتاوتة دول
- استاذ سأل طالب فى اى فصل يسقط المطر قاله فى الفصل اللى مالهوش سقف
- غبى دبح امه وابوه سالوه ليه قالهم اصل المدرسة عاملة رحلة للايتام
- صعيدى خبطته عربية اخد تعويض 50000 وقف ادام القطر قاله خش عليا ياابو الملايين
- واحد شايل انبوبة غاز قال لمراته ادعيلى قالتله روح ربنا يفتحها فى وشك
- الشرطة بتتخانق مع مسطول هما يقولوله اركب وهو يقولهم لا انا عايز اسوق
- موجه عربى بيقول للمدرس ليه العيال بينطقو الجيم دال قاله هو ده اللى مدننى
- حمار وحشى وحمار عادى بيتسابقو بدأ السباق فالحمار العادى مجريش سالوه مجرتش ليه
قالهم والنعمة مانا جارى الا لما تجيبو لى ترننج زيه
- صعيدى رجع من الشغل لقى مراته مطبختش زعل ودخل نام فحبت تصالحه
قالتله اعملك مساج قالها عليا الطلاق لو عملتيه لارميه بحلته فى الشارع
واحد صعيدى قرر يعمل عملية تجميل لتوسيع عينيه
قام فتحهم على بعض
***
محشش راح يعزي
وفى العزا اتأثر جدا
وهو طالع سأل أخو الميت :
ما فيش أمل يرجع ؟
***
ليه الصعيدى لما بيتكلم مع الأجانب بيخللي عينيه لتحت من اللي بيتكلم معاه ؟
عشان يقرأ الترجمة
***
صعيدى سمى ابنه على اسم أبوه : بابا
***
صعيدى راح يعزى فى جنازة
سأل واحد : كان بيشتغل ايه الميت
قال : يحفر قبور
قال الصعيدى :
سبحان الله ، من حفر حفرة لاخيه وقع فيها
***
صعيدى قالوله :
التدخين يؤدي إلى الموت البطيء
قال : أنا أساسا مش مستعجل
***
سائق تاكسي من التعب والعرق أصبحت ريحتة كريهه
ركب معاه محشش وسأله عربيتك كم حصان ؟
قاله : 20 حصان
قال المحشش : الظاهر واحد منهم مات
***
جمع أحد الحكماء أبناءه وأعطى أحدهم رمح
وقال : حاول أن تكسره
فكسره الابن بسهوله
فأعطاه رمحين فكسرهما أيضا !
فأعطاه حزمه ، فكسرها كلها!!!!
فقال الحكيم لأولاده :
طالما معاكم البغل ده ماتخافوش من حد
***
محشش سألوه : ما هو أقدم حيوان
قال : الحمار الوحشى
سألوه : ليه ؟
قال : لانه ابيض وأسود
***
دكتور دخل عنبر فى مستشفى المجانين لقي واحد بيخبط رأسه في الحيطة، سأل الممرضة ماله المريض ده؟ قالت له أصله كان بيحب واحدة وما اتجوزهاش، دخل الدكتور العنبر الى بعده، لقي واحد بيضرب نفسه بالشبشب، سأل الممرضة وده كمان ماله؟ قالت له ده بقى اللي اتجوزها ..
ميكانيكي أشترى سرير ....... نام تحته ...
واحد بخيل نام وحلم إنه وزع كل فلوسه على الفقراء، صحي من النوم مفزوع، وقال أبقى ابن كلب لو نمت تاني...
مرة ميكانيكي اشتري سرير نام تحته
واحد بلدياتنا لقي الفانوس السحري ...فضل يدعك في الفانوس لحد ما جاب للعفريت تسلخات
مهندس كومبيوتر حلل دمه طلعت فصيلته HP
صيدلي اتجوز صيدلانية خلفوا تركيبة
القمر طلب ايد الشمس للجواز .قالت له : مباخدش واحد صايع طول الليل
ما اسم وزير الدفاع الصيني ؟ شن حرب شن
كبابجي اتجوز فرش السرير بقدونس
صعيدي وقع من الدور العاشر شنبه اتجزع
صعيدي كبر دماغه .معرفش يقلع الجلابية
اثنين صعايدة بيلعبوا شطرنج الملك مات مشلول
موظف ارصاد جوية عنده بنتين الصغري 18 والكبري 23
صعيدي عمل عملية نجحت راح عملها تاني
دكتور عظام خرج بالليل الكلاب جريت وراه
واحدة اتجوزت نجار بقت تدلعه و تقولي يا لووحي
اقرع حب واحدة معرفش يعبر لها عن شعوره
بدوي اتجوز بدوية كتب الخيمة باسمها
فرخة اتجوزت فيل .جابوا تشيكن فيليه
كلب بلدي مر جنب قسم شرطة شاف كلب بوليسي ...قال أخ لو كملت تعليمي
مدرس رياضيات اتجوز واحدة صايعة خلفوا ولد شبه منحرف
صعيدي اتعزم في فرح .جه ابو العروسة و حط خمسة جنيه و ضرب خمس طلقات ، و جه خال العروسة و حط عشرة جنيه و ضرب عشرة طلقات ، سخن الصعيدي و دخل نقط بالف جنيه و رمي قنبلة و هرب .
أحول اتجوز علي مراته ..طلعت هي
عشر صعايده بيتعلموا ربط الكرافتة 6 ماتوا و 4 في حاله حرجه
واحد صعيدي حب يعمل روش كتب على الشومة أديداس
الكويت اتبرعت للصومال بشحنة ادوية رجعوها تاني ..؟ لانها بعد الاكل
صعيدي راح أمريكا لقى الناس لابسين تي شيرتات مكتوب عليها بيبسى و كوكاكولا لما رجع البلد كتب على التي شيرت بتاعه عصير جصب
صعيدي عايز يروح حفله تنكريه بعت أخوه
صعيدى واقف قدامه خمس شياطين واحد يوسوسله و اربعه يفهموه
نكت الدمايطة
لمن لا يعرف، يشاع عن الدمايطة البخل الشديد
أحلى نكت عن الدمايطة .. رجاء محدش يزعل
واحد دمياطى راح للفكهانى قال له واحد صاحبى مريض وعايز أخد له زيارة. الفكهانى قال له خد اتنين كيلو مانجة. سأله بكام الكيلو؟ قال له تلاتين جنيه. قال له لا هو مش عيان أوى كدة.
اتنين دمايطة راحوا راس البر يصيفوا..اتراهنوا يغطسوا، واللى يطلع من المية قبل
التانى يتحمل مصاريف الغدا..الاتنين غطسوا مطلعوش لغاية النهاردة
دمياطى بعت ابنه يستلف شاكوش من الجيران ..غاب ساعتين ورجع يقول لابوه : ما لقيتش
يابا..قال خلاص الأمر لله يا ابنى ..هات الشاكوش بتاعنا
دمياطية بعتت ابنها يشترى تلات أرغفة ..رغيف ليها و رغيف لجوزها ورغيف
لابنها..الولد جاب العيش .. امه كانت واقفة على الباب قلقانة جدا ولما شافته قالت
له : بسرعة هات الرغيفين دول وروح رجع الر
غيف التالت للفرن قبل ما يقفل .. أبوك مات
اتنين ستات دمايطة بيدردشوا ... واحدة قالت للتانية : ياختى بعت جوزى يشترى عيش
بلدى من الفرن ..وقف فى الطابور كتير ..جات له ضربة شمس .. تعب .. مات .قالت لها : طب و
عملتى إيه؟ قالت : ولا حاجة ..اشتريت عيش فينو
واحد دمياطى صحى من النوم مبسوط، سألته مراته : إيه اللى باسطك ..خير اللهم اجعله
خير. قال لها : أصل انا حلمت انى اشتريت للأولاد لحمة وفاكهة ..قالت له : ليه كدة
ياراجل الإسراف ده؟ قال لها: اسكتى يا شيخة خللى العيال تاكل و تتبسط
دمياطى فى لحظاته الأخيرة على فراش الموت.. سأل
فين محمد ؟ رد محمد باكيا : أنا هنا يا بابا
فين محمود؟ رد محمود با كيا : أنا هنا يا بابا
فين حسين؟ رد حسين باكيا : أنا هنا يا بابا
فقال الأب وعلامات الضيق ظاهرة على وجهه: انتو التلاتة هنا وسايبين نور الصالة
والع؟
دمياطى دخل مع ابنه سوبرماركت..الولد مسك باكو شوكلاتة ، وقال لابوه : بابا بابا
..أنا بحب اليكولاتة قوى يا بابا
فرد الأب بهدوء وهو يطبطب عليه : ماشى يا حبيبى ..حبها زى ما انت عاوز، وبعدين
رجعها مكانها
دمياطى ابنه بيناديه: بابا ..بابا ..بابا
قام ضربه بالقلم على وشه، وقال له : بابا واحدة كفاية يا ابن الكلب
آخر نكتة - وهى مشهورة- ومتداولة :
دمياطى بيسألوه :
تعمل إيه لو الدنيا برد؟ قال : أقرب من الدفاية
طب لو الدنيا بتشتى؟ قال : ألزق فى الدفاية
طب لو الدنيا تلج ودرجة الحرارة تحت الصفر؟ قال الأمر لله ..أشغل
الدفاية
ليست هناك تعليقات:
إرسال تعليق