By
Mariam Fahmy
Mariam Fahmy
ويسوع نفسه حاضر الحفله زى ما وعدنا زمان وقال
اللى يصبر على الالم ييجى سمايا والبسه اكليل الاحتمال
دة النهاردة عيد ميلاد الشهيد العظيم ابانوب كمال
8 نوفمبر عيد ميلادى الارضي و7 يناير بقي عيد ميلادى الجديد
عيد ميلادى بقي يوم عيد ميلاد يسوع ودة بقي عندى احلى عيد
عزمنى احضر عيد ميلادة وسمحلى انى اتقتل وابقي يومها شهيد
وهو كمان النهاردة بيحتفل بعيد ميلادى وحضر معايا وخلانى سعيد
وكمان حاضر معايا النهاردة بيشوى وايمن وبولا ورفيق ومينا
وكلنا سوا فرحانين ونسينا جراحنا والامنا والفرحة مالينا عينينا
وفاكرينكم كلكم وشايفينكم ومش عاوزين اى حد يزعل ابدا علينا
دة يسوع بنفسة معانا وكل الملايكة والشهدا والقديسين حوالينا
النهاردة يسوع فرحان بيا اوى وعاملى احلى عيد ميلاد
وبايديه الحلوة ديا بيلبسنى النهاردة اكليل الاستشهاد
وادانى احلى هديه ف عمرى انى اعيش ف السما وسط الامجاد
دة احلى يوم فى حياتى وبالنسبه لى دة اجمل كل الاعياد
وهيلبسنى بدل توب المحاماة الاسود توب البر ابيض نورانى
وهنحتفل انا وكل السمائيين وكلهم هنا مبسوطين عشانى
وكلهم فرحانين بيا وبعيد ميلادى وبيشاركونى التهانى
دول نسونى كل جراحى اللى انا دقتها ونسونى كل احزانى
ويسوع عوضنى عن حياتى الارضية بحياة السما مع القديسين
والنهاردة كلنا هنحتفل بعيد ميلادى وهطفي شمعتى العشرين
وعاوزكم كلكم النهاردةتفرحوا معايا مش عاوز حد ابدا يكون حزين
سلمولى على كل ناسي واهلى وصحابى واخواتى ديفيد ونيفين
انت وحشتنا اوى ووحشت كل ناسك واهلك يا شهيدنا المحبوب
بس احنا هنا فرحانين كلنا عشانك احنا وكل اعضاء الجروب
عمرنا ماهننساك ابدا انت هتفضل تملى عايش جوة القلوب
وبنقولك كلنا كل سنة وانت طيب وف حضن يسوع يا احلى ابانوب
مريم فهمى
ليست هناك تعليقات:
إرسال تعليق