يارب انا نفسى احكى معاك

By
christian 19

يارب نفسي احكي معاك

نفسي اكلمك واسمعك بتكلمني

انا تعبت يارب ومحدش حاسس ولا بيفهمني

قلبي حزين قوي يارب عارف ليه

علشان جرحك وخانك وباعك بارخص الاتمان

انت عارف انا قد ايه بحبك ومش عايزة اجرح قلبك الحنان

بس ضعفي تعبني كسرني خلاني مش انسان

ياما قلت هرجع خلاص ياما وعدت اني اتوب

يوم واتنين وارجع تاني اخون واجرح في غافر الزنوب

في حد يحب حد ويجرحه في حد يحب حد ويدبحه؟

فاكر زمان ايوا زمان كنت في حضنك متشال

كنت حاسس بالامان والسلام والحزن ده في قلبي ملوش مكان

من يوم ماسبتك والحزن بقى عنواني ودموعي ملزماني

نفس ارجع لحضنك تاني نفسي ارتاح

تعبت ربي من الخطية والنواح

مد ايك يارب وانتشلني انا في بحر من الخطية بيغرقني

وانا ضعيف يارب ومجدافي مكسور ومفيش حد بينجدني

انا سامع صوتك من بعيد عمال يندهني

كلي امل انك في يوم هطلعني وتنقذني

نظرو اليه واستناروا ووجوههم لم تخجل

انتظر الرب فليتشدد وليتشجع قلبك وانتظر الرب

ما اجمل يارب انه عند كثرة همومي تعزياتك تلذذ نفسي

فعلا يارب دائما ما ترسل لي تعزياتك الجميلة والمشجعه

لنفسي عندما اشعر بكثرة همومي وحزني

ربنا يعطينا ان نقدم له هذا الصوم المقدس كذبيحة حب له

وان يدبر حياتنا كما يليق كما يحسن في عينيه

ويكمل نقائصنا ويسند كل ضعف فينا بقوة نعمته

christian