By
هيلانة
هيلانة
انا بشتغل مدرسه فى مدرسه ابتدائى والسنه دى كنت واخدة سنه تالته
وانا علاقتى بتلاميذى فى المدرسه علاقه بعيدة عن الخوف جدا كلها حب
وممكن بعد ما نخلص الدروس بتاعة اليوم اقعد اضحك مع الولاد وممكن نقول
اسئله زكاء فى الحدود المسموح بيها يعنى مثلا ممكن اسئلهم اقولهم عايزة اسم خمس كلما تبدأ بحرف السين
او اسم فاكهة تبدا بحرف الباء و حاجات زى كدة يعنى
بس لاقيت عيل سالنى سؤال السؤال كان قاسى وطبعا كا ن مفاجأة وانا ما عرفتش اجابته
السؤال كان بيقول
ايه الفرق بين البوسه والرصاصه
انا لما سمعت جالى حاله من الزهول ومش مصدقه اللى بسمعه من طفل
وكمان احنا فى مدرسه يعنى مايصحش نتكلم فى كلمة زى دى
والفصل كله استغرب قوى من سؤال الولد
فقلت له قول انت يا كيرلس الولد اسمه كيرلس
انا مش عارفه وكان هدفى انى اعرف الولد بيفكر فى ايه وايه اللى فى دماغه
وكانت الاجابه بريأة جدأ
قااااااااااالى
البوسه بتدى الحياة والرصاصه بتاخد الحياة
انا ما قدرتش امسك نفسى من الضحك والعيال كلهم ضحكو كتير قوى
نسيت اقولكم اننى بعتبر مهنتى فى التدريس خدمه زى الكنيسه تمام وخاصة ان الفصل نصفه مسيحيين
وببقى قدامى فرصه كبيرة قوى اغرس فيهم كل التعاليم اللى انا عايزاها وخاصة فى حصص الدين
ليست هناك تعليقات:
إرسال تعليق