الثلاثاء، 31 أغسطس، 2010

انا قبطى ولا مصرى

By
hany fayke

بسم الاب والابن والروح القدس
الاله الواحد
امين
شباب
كل سنة وانتوا طيبين
??E E???? ???? ????????E E???? ???? ??????
??E E???? ???? ??????
قبطى ولا مصرى؟؟؟


سوال بسأله لنفسى كلما اسمع
عن منازعات بين الاقباط والاخوة المسلمين

واقول يا رب لحد امتى يحصل كده؟؟؟؟


قلبى حقيقى حزين...
جوايا مواطنة فيها سكاكين

قالوا مصر لكل المصرين...
وما فيش فرق قدام القوانين

وكل يوم مشكلة جديدة
مشكلة اكبر من اللى قبليها
ونتصالح ونقول فرصة سعيدة
ويفضل الفتنة ساكنة ما بين اهلينا
انا حزين


يا تاريخ على صوتك للمصرين...
قلولهم ان قبطى مصرى من سنين

انت فين يا صلاح الدين...
حبيت القبطى وحربت معه الصليبين


حقيقى انا حزين



يا اهلى يا ناس يا طيبين...
غول اسمه فتنة وعاوزكم متفرقين

عاوز احمد يقتل قسطنطين
مرقس يتهم الحج حسين
وناس تانين مستنفعين
واحنا يا حسرة مخدوعين

قلبى فيا حزين


وانت يا مصرى قولى ده يرضى مين؟
تنحرق بيوت وناس منصابين

كل ده لصالح مين؟؟...
قولوا الحق يا اهل الدين؟؟

قلبى حزين


نفس الهوا هو هو نفس الاكسوجين
نفس الارض هى هى من الاف السنين

ايه اللى غير فكرنا ولفين احنا راحين؟
كلمة اخيرة ده يرضى مين؟؟؟
ده فى انهى دين
حقيقى قلبى حزين
...

اخويا بيشتم ابويا
وامى مسكة عصايا
وبتنا راح فى متاها
وعلى كده احنا عايشن

بس انا قبطى وهفضل اصرخ
ولا يمكن اسيب بيتى واخرج

والمسلم اخويا غصب عنى
وغصب عنه انا ساكن قلبه
يا مين يسمع ويقولى
انا مصرى ولا قبطى
وكل سنة وانتم طيب
ارجو التعليق
animated119.gif
صلواتكم
هانى فايق

ليست هناك تعليقات:

إرسال تعليق