الأحد، 29 أغسطس 2010

حذار والكاب اوعى يا بنتى لو روحتى مصيف ل ياسر غبريال

By

Yasser Gobrial


http://img839.imageshack.us/img839/1278/45211149331600624210342.jpg
نداء الى الاخوات المسحيات المومنات
حذار والكاب ثم حذار والكاب
اوعى يا بنتى لو روحتى راس البر ولا جمصة ولا محطة الرمل اوبلطيم والشمس كانت حامية على قرعتك
حذار انك تلبسى كاب
حيث ان الكاب بيغطى القرعة
و انتى مسيحية وممنوع عليكى كدة
ممكن تستعملى شمسية
او تشوفى حيطة تمشى تحتها
لان المثل بيقول ضل شمسية ولا ضل راجل
ولو لبستى كاب ارجوكى اوعى تتصورى بيه
ولا لاحظتى ان حد صورك اجرى عليه وشدى الموبايل ولا الكاميرا منه وصوتى
وقوللى يا لهوى دى بيصورنى بالكاب
ضعت يا امه
الحقنى يا ابه
وكلامى ده بجد
حيث ان الاخوة المجاهدين اللى بيقولوا ان كاميليا اسلمت
جابوا الصورة اللى فوق دى وقالو انه دليل قوى على اسلامها حيث انها ترتدى الكاب ولا تفرد شعرها يهفهف مع الريح
رغم ان الصورة على البحر
ودا كاب مش ايشارب
وكمان فيه اخت مسيحية فى الطرف لابسه برضه كاب
ومش عارفين ربنا برضه هداها ولا فى الطريق اليك
وكمان كاميليا ترتدى البنطال الشينز ودا بدعة
كان ممكن تلبس جوبة واسعة

واخيرا انقل اليكم التعليق على الصورة من جروب على الفايس بوك يقول ان كاميليا مسلمة
يقول التعليق بالحرف

كانت حفظهاا الله تلبس الكاب بدلا من الحجاب حتي لا تثير الشكوك اثناء فتره السنه ونص اللي اسلمت فيهم في السربصوا وشها منور ازاي ؟؟؟لا وكمان متصوره مع اخوات مختمرات !!!ربنا يفك اسرك يا كاميليا


يا عينى يا ختى
وشك منور مع الاخوات المختمرات
طيب والاخت المكببة يعنى اللى لابسة الكاب تبقى مين
ربنا يرحمنا ويلهمنا العقل ويمنع عنا الاكل يمكن نفوق شوية
بس وغلاوتكن بلاش الكاب

القبطى افندى

ليست هناك تعليقات:

إرسال تعليق